Cəbrayılda 3 erməni hərbçi yaralanıb

Cəbrayılda 3 erməni hərbçi yaralanıb
  04 İyul 2017    Oxunub:2017
Hərbi hissədə partlayış nəticəsində Ermənistan ordusunun üç əsgəri yaralanıb.

Sosial şəbəkələrdə Ermənistan ordusunun hərbi hissələrindən birinin işğal olunmuş Cəbrayıl rayonu ərazisindəki poliqonda keçirdiyi taktiki məşğələ zamanı partlayışın baş verməsi barədə məlumat yayılıb.
İlkin məlumata görə, ehtiyatsızlıq səbəbindən qumbaranın partlaması nəticəsində 3 hərbi qulluqçu müxtəlif dərəcəli qəlpə yaraları alıb.

Cəbrayıldakı hərbi hospitala qardaşı oğluna baş çəkməyə gələn Qriqoriy V. adlı şəxs hadisə barədə sosial şəbəkələrdə şərh yazıb. Onun sözlərinə görə, partlayış nəticəsində bir nəfər əsgərin əli amputasiya edilib.

Digər iki hərbi qulluqçudan biri ağır, o biri isə yüngül qəlpə yaraları alıb. (Report.az)

AzVision.az


Teqlər: Ermənistan   Cəbrayıl   Partlayış  





Xəbər lenti