"Mercedes"in pilotu Valtteri Bottas finiş xəttini ikinci, "Williams"ın sürücüsü Lans Stroll isə üçüncü keçiblər.



***

"Force India” komandasının üzvü Serxio Peres və “Ferrari” komandasının üzvü Kimi Raykkonen yarışa qayıdıb. Fasilədən sonra Qran-Pri davam edir.

***

"Renault" komandasının üzvü Colyon Palmer "Formula-1" yarışlarında mübarizəni dayandırıb.

AzVision.az xəbər verir ki, onun bolidində tüstülənmə olub. Bununla da Palmer üçün Qran-Pri başa çatıb.



“Toro Rosso” komandasının üzvü rusiyalı pilot Daniil Kvaytın maşınında texniki problem yaranıb. Kvayt 12-ci döngədə yarışları dayandırıb.

“Red Bull Racing” komandasının üzvü Maks Ferstappenin bolidində texniki problemlər olduğundan, o da Qran-Pridə mübarizəni erkən dayandırmalı olub.

“Ferrari” komandasının üzvü Kimi Raykkonenin bolidinin sağ arxa təkərində problem olub. Bu səbəbdən o, yarışı tərk edib.



“Force India” komandasının üzvü Serxio Peres üçün də yarış artıq başa çatıb. O, Qran-Prini sona qədər başa vura bilməyib.

Hazırda yarış 15 iştirakçı ilə davam edir.



***

Bakıda keçirilən "Formula-1" üzrə Azərbaycan Qran-Prisinin həlledici mərhələsi başlayıb.

AzVision.az xəbər verir ki, yarışlar iki saat davam edəcək.

Qeyd edək ki, pilotlar yarışa bu ardıcıllıqla başlayıblar:

1. Luis Hamilton 1:40.593 (“Mercedes”)
2. Valtteri Bottas 1:41.027 (“Mercedes”)
3. Kimi Raykkonen 1:41.693 (“Ferrari”)
4. Sebastian Fettel 1:41.841 (“Ferrari”)
5. Maks Ferstappen 1:41.879 (“Red Bull Racing”)
6. Serxio Peres 1:42.111 (“Force India”)
7. Esteban Okon 1:42.186 (“Force India”)
8. Lans Stroll 1:42.753 (“Williams”)
9. Felipe Massa 1:42.198 (“Williams”)
10. Daniel Rikkiardo 1:43.414 (“Red Bull Racing”)
11. Daniil Kvayt 1:44.186 (“Toro Rosso”)
12. Karlos Sains 1:43.347 (“Toro Rosso”)
13. Kevin Maqnussen 1:43.796 (“Haas”)
14. Niko Hulkenberq 1:44.267 (“Renault”)
15. Paskal Verlayn 1:44.603 (“Sauber”)
16. Fernando Alonso 1:44.334 (“McLaren”)
17. Romen Qrojan 1:44.468 (“Haas”)
18. Markus Eriksson 1:44.795 (“Sauber”)
19. Stoffel Vandorn 1:45.030 ( “McLaren”)
20. Colyon Palmer ----- (“Renault”)

Eldar Tanrıverdiyev
AzVision.az