Nazirlik xaricə gedən vətəndaşlara müraciət etdi

Nazirlik xaricə gedən vətəndaşlara müraciət etdi
  30 May 2017    Oxunub:1165
Mədəniyyət və Turizm Nazirliyi səyahət edən vətəndaşlara müraciət edib.
Nazirliyin informasiya və ictimaiyyətlə əlaqələr şöbəsindən AzVision.az-a verilən məlumata görə, səfərə çıxan vətəndaşlar turizm şirkətlərindən turist vauçeri və müqavilə tələb etməlidirlər:

“Yay mövsümünün başlanması ilə əlaqədar olaraq Azərbaycan vətəndaşlarının xarici ölkələrə, eləcə də ölkə daxilində turist səfərlərinin sayında artım müşahidə olunmaqdadır. Bununla əlaqədar əhalinin nəzərinə çatdırırıq ki, turizm şirkətlərinin vasitəsi ilə xarici ölkələrə və ölkə daxilində səyahətlərini təşkil edərkən turist vauçerini və “Turizm haqqında” qanunun 9.1 maddəsinin tələblərinə uyğun olaraq şirkətlə müştəri arasında müqavilənin bağlanmasını tələb etsinlər”.

Vətəndaşlar turizm mövsümü zamanı turizm şirkətləri və yerləşdirmə obyektlərinin fəaliyyəti ilə əlaqədar hər hansı problemlərlə üzləşdiyi halda Mədəniyyət və Turizm Nazirliyinin 147 qaynar xəttinə və ya [email protected] elektron ünvanına rəsmi müraciət edə bilərlər.

AzVision.az



Teqlər: Mədəniyyət-Turizm-Nazirliyi  





Xəbər lenti