7 ermənini öldürən Permyakov Rusiyaya təhvil verildi - Yenilənib

18:56   18 May 2017    Oxunub: 5233

Gümrüdə erməni ailəsinin 7 üzvünü öldürməkdə günahlandırılan Rusiyanın Ermənistandakı 102 saylı hərbi hissəsinin əsgəri Valeri Permyakov Rusiyaya təhvil verilib. AzVision.az xəbər verir ki, bu barədə məlumatı Ermənistan Ədliyyə Nazirliyinin mətbuat xidməti yayıb.

Qeyd olunub ki, Rusiya Ermənistan tərəfinə Valeri Permyakovun ömürlük həbs cəzası çəkəcəyini vəd edib və onun azadlığa buraxılmayacağına zəmanət verib.

**

Gümrüdə erməni ailəsinin 7 üzvünü öldürməkdə günahlandırılan Rusiyanın Ermənistandakı 102 saylı hərbi hissəsinin əsgəri Valeri Permyakov cəzasını Rusiyada çəkəcək.AzVision.az xəbər verir ki, bu barədə məlumatı Ermənistanın Ədliyyə Nazirliyi yayıb.

Məlumata əsasən rəsmi Moskva Ermənistan tərəfinə Valeri Permyakovun ömürlük həbs cəzası çəkəcəyini vəd edib və onun azadlığa buraxılmayacağına zəmanət verib.

Xatırladaq ki, Permyakov 2015-cilin yanvarın 12-də Gümrüdə Avetisyanlar ailəsinin 7 üzvünü güllələyib. Hadisə yerində ailənin 6 üzvü həlak olub. Bir nəfər altı aylıq uşaq isə ağır yaralı halda xəstəxanaya aparılıb. O, 19 yanvarda dünyasını dəyişib. Ermənistan məhkəməsi ötən il avqustun 23-də Permyakova ömürlük həbs cəzası verib.

Eldar Tanrıverdiyev
AzVision.az

Teqlər: Ermənistan   Permyakov    




Rubrikanın digər yazıları