BDU-dan açıqlama: "Yanan binanın bizə aidiyyatı yoxdur"
Bu barədə AzVision.az-a BDU-nun prorektoru Nəbi Ramazanlı deyib. Onun sözlərinə görə, yanğın olan bina vaxtilə Azərbaycan Texniki Universitetində işləyən fizik, Alim Cəfərovun təşəbbüsü ilə tikilib.
"Yanğın baş verən binada ola bilər ki, Bakı Dövlət Universitetinin 1-2 müəllimi yaşasın. Lakin həmin bina Universitetin müəllimlər üçün tikilən binası deyil. Müəllimlərin binası Universitetin lap yaxınlığında, "Hidayət" məscidinin yanında yerləşir. Digər bina isə Nərimanov heykəlinin yanındadır. Onların heç birində yanğın olmayıb. Yayılan məlumat yalnışdır"
Qeyd edək ki, Yeni Yasamal 2 Yaşayış Massivində yerləşən 10 nömrəli binanın 9-cu mərtəbəsində yanğın baş verib. KİV-lərdə yayılan məlumata görə, yanğın BDU-nun müəllimlərinə məxsus binada olub.
Aytən Zəhra
AzVision.az
Teqlər: BDU Yanğın Bakı Müəllim