Şeyx irad bildirdi, Mübariz Qurbanlı tədbir gördü
O qeyd edib ki, Şeyxülislamın bəyanatından sonra həmin məscidlərdə tədbirlər görülməyə başlanıb və problem əsasən həll olunub. M.Qurbanlı həmin məscidlərin hazırda da fəaliyyət göstərdiyini və ibadət üçün açıq olduğunu bildirib.
Qafqaz Müsəlmanları İdarəsinin (QMİ) Zaqatala - Balakən bölgəsi üzrə nümayəndəsi (qazisi) İbrahim İbrahimov isə sayta məsələnin təfərrüatını açıqlayıb. O bildirib ki, Şeyxin irad bildirdiyi məscidlərdəki dini icmaların rəhbərləri Qafqaz Müsəlmanları İdarəsinin təlimatlarına və təqvimlərinə riayət etməyiblər. Lakin hazırda bu problem aradan qaldırılıb, həmin məscidlərdə QMİ-nin bütün təlimatlarına və təqvimlərinə riayət olunur".
Qeyd edək ki, Allahşükür Paşazadə bir müddət əvvəl QMİ-də keçirilən tədbirdə mətbuatın iştirakı ilə Dini Komitəyə müraciət edərək bildirib ki, Zaqatalanın 4, Şamaxı və Qobustan rayonlarının isə hər birinin bir kəndindəki məscidlərdə dini icmalar qanunsuz fəaliyyət göstərir, qeydiyyatdan keçməyiblər və QMİ ilə heç bir əməkdaşlıq etmirlər.
Teqlər: