ABŞ Azərbaycanın "Cənub Qaz Dəhlizi" vasitəsilə Avropanın enerji təhlükəsizliyinin təmin olunmasında rolunu ciddi şəkildə dəstəkləyir.
Bunu Birləşmiş Ştatların dövlət katibi Con Kerri Azərbaycan xalqına 28 May - Respublika Günü münasibətilə təbrikində qeyd edib.
Dövlət katibi vurğulayıb ki, Azərbaycan xalqı 97 il əvvəl müsəlman dünyasında ilk dünyəvi demokratik respublika yaratdı: "Həmin vaxtdan, eləcə də 1991-ci ildə Sovet İttifaqının tərkibindən ayrılaraq müstəqilliyinizi elan etdiyinizdən bəri ölkələrimiz Azərbaycanın müstəqilliyinin təminatında birgə əməkdaşlıq edir".
C.Kerri, həmçinin Vaşinqtonun və Bakının terrorizmlə mübarizədə və Əfqanıstanda NATO-nun missiyası vasitəsilə regional və beynəlxalq təhlükəsizliyin təminatında əməkdaşlığını qeyd edib.
O, əlavə edib ki, ABŞ Dağlıq Qarabağ münaqişəsinin sülh yolu ilə həll olunmasına sadiq qalır.
AzVision.az
Con Kerri: `ABŞ Azərbaycanı dəstəkləyir`
27 May 2015
Oxunub:1592
Vaxtında, Aydın, Lazımlı!
-1713549643.jpg&h=190&w=280&zc=1&q=100)
-1708596417.jpg&h=200&w=200&zc=2&q=70)
