Türkiyədə Xocalı Parkı açıldı
Türkiyə Azərbaycan Dərnəyinin yerli şöbəsini rəhbəri Ender Solhan, mərasimə toplaşanlara Xocalı soyqırımının dəhşətləri haqqında məlumat verib, 1992-ci il fevralın 26-da Ermənistan silahlı qüvvələri tərəfindən Xocalı şəhərində dinc sakinlərə qarşı törədilmiş qəddarlıqları bir daha xatırladıb. Bu dəhşətlərin sözlərlə ifadə edilməyəcək qədər acı və unudulmayacaq qədər qorxunc olduğunu deyən Ender Solhan əlavə edib ki, “biz də bu faciənin heç vaxt unudulmaması üçün bu parka Xocalı Şəhidlər Parkı adını verdik”.
Turqutla Bələdiyyəsinin sədr müavini Hakan Sezer bu qətliama dünya ictimaiyyətinin səssiz qalmasını vurğulayaraq, ədalətin bərqərar olacağına, günahsız insanların qanının yerdə qalmayacağına inandığını deyib.
Türkiyə Böyük Millət Məclisinin üzvü Sinan Oğan Turqutlu Bələdiyyəsinin sədri Turqay Şirinə təşəkkür edib. Atatürkün “Azərbaycanın kədəri kədərimiz” sözlərini xatırladan Sinan Oğan deyib ki, bu parka Xocalı Şəhidləri adının verilməsi dolayısı ilə Atatürkün mirasına sahib çıxmaqdır: “Türkiyə ilə Azərbaycan iki dövlət, bir millətdir. Xocalı isə ortaq dərdimizdir”.
Çıxışlardan sonra lent kəsilərək parkın açılışı olub. Qeyd edək ki, Turqutlu bələdiyyəsi ərazisində salınmış yeni yaşıllıq əraziyə Xocalı Şəhidləri Parkı adının verilməsi təklifi Türkiyə Azərbaycan Dərnəyi İdarə Heyətinin üzvü Ender Solhanın tərəfindən irəli sürülmüşdü.
Teqlər: