AzVision.az türkel tv-ə istinadən xəbər verir ki, Ermənistan ordusunun cəbhədə təxribatı davam edir. Düşmənin nizamsız şəkildə havaya səpələdiyi güllələr artıq cəbhəyanı kəndlərdəki azyaşlıları nararahat etməyəcək. Bağça və məktəblərdə mühafizə divarı çəkilir. Tikinti işləri Tovuzun Ağdam kəndində də aparılır. Burada məktəbin mühafizə divarı hazırdır.
Məsələ ilə bağlı danışan iş icraçısı Qasım Hacıyev bildirib ki, Ağdam kəndinin məktəbi, bağçası erməni gülləsinə tuş gəlir: “Ona görə də belə bir layihə verilib. Lazımi hündürlükdə məktəbə mühafizə divarı çəkilir. Uşaq bağçasına da yeni istinad divarı çəkilib, yaxın günlərdə başa çatacaq”.
Kəndin ermənilərin atdığı güllələr nəticəsində ziyan görən evləri də yenilənir. Burada 13 yeni ev tikilib və 50 evdə təmir bərpa işləri aparılıb. Düşmən gülləsindən ziyan görən bütün qəzalı evlərin mərhələli şəkildə bərpası və yenidən tikilməsi nəzərdə tutulur.
Cəbhə kəndlərində mühafizə divarları - VİDEO
20 Noyabr 2014
Oxunub:2216
Düşmən gülləsindən qorunmaq üçün sədd çəkilir
Vaxtında, Aydın, Lazımlı!
-1708596417.jpg&h=200&w=200&zc=2&q=70)
