Avqust ayında cəbhə xəttində baş verən məlum hadisələrdən sonra Prezident Administrasiyasının (PA) rəhbəri Ramiz Mehdiyev yerli mətbuatı yol verdiyi nöqsanlara görə, sərt tənqid etmişdi. PA rəhbəri KİV-lərə xəbərdarlıq edərək nöqsanlara yol verən KİV-lərinə cəzalandırılacağını bildirmişdi.

Bu hadisdən bir neçə ay sonra isə cəbhə xəttində yenidən gərginlik müşahidə olunub. Belə ki, Ağdam rayonu ərazisində Azərbaycanın hava sərhədlərini pozan Ermənistana məxsus hərbi helikopter hərbçilərimiz tərəfindən vurulub. Günlərdir müzakirə mövzusuna çevrilən bu hadisə yerli KİV-lərlə yanaşı, dünya mediasının da gündəmini zəbt etmişdi.

Avqust hadisələrindən sonra mətbuatımız “helikopter sınağından” necə çıxa bildi?

Tanınmış hərbi ekspert Üzeyir Cəfərov AzVision.az- açıqlamasında mətbuatın bu sınaqdan yaxşı çıxdığını qeyd edib:

“Şükürlər osun ki, bu dəfə mətbuatımız yaranmış vəziyyətdən normal çıxdı. Mətbuatımız dövlət və hərbi sirri yaymayıb. Bizim bütün məlumatlarımız mətbuata getməməlidir.Amma helikoperin vurulması ilə bağlı videonun yayılması Azərbaycan üçün çox vacib idi. Biz bununla da bütün dünyaya düşmənin bizim ərazilərə hücum etdiyini göstərə bildik. Gələcəkdə isə belə məlumatların yayılması zamanı yenə də son dərəcə ehtiyatlı və diqqətli olmaq lazımdır.

Mən mətbuatın ümumiyyətlə ordu barəsində yazmamasının tərəfdarı deyiləm. Hər yazılan yazıda nəticə çıxarılası məqamlar var. Mətbuat ordu komadanlığının görüb və ya görmədiyi məqamlara diqqət yetirməlidir. Müdafiə Nazirliyi və digər qurumlar mətbuatı düzgün baş düşməlidirlər. Mətbuatda işləyən şəxslər də cəmiyyətə xidmət edirlər. Mətbuat daim öz xalqına xidmət etməldir”-deyə ekspert bildirib.

Ekspert erməni helikopterini vuran hərbçimiz İlkin Muradovun fotolarının yayılmasına da münasibət bildirib:

“Müdafiə Nazirliyinin mətbuat orqanı olan “Azərbaycan ordusu” qəzetində həmin helikopteri vuran İlkin Muradovun şəkili verilib. Amma bir neçə gün öncə Nazirlikdən onun şəkillərinin yayılmaması ilə bağlı açıqlama verilmişdi. Biz ermənidən nəyə görə qorxub öz qəhrəmanımız və əsgərimizin şəklini paylaşmamalıyıq? Nədən Azərbaycan vətəndaşı vəzifə borcunu layiqincə yerinə yetirən öz əsgərini tanımasın? Vertolyot əməliyyatı ilə bağlı heç bir hərbi və dövlət sirri yayılmayıb”.

Hafiz Əhmədov