893 nəfərin ölkədən çıxışına qadağa qoyuldu

 893 nəfərin ölkədən çıxışına qadağa qoyuldu
  27 Sentyabr 2016    Oxunub:1474
Vergilər Nazirliyi vergi borcuna görə ölkədən getmə hüququ müvəqqəti məhdudlaşdırılmış vergi ödəyicilərinin siyahısını yeniləyib.
AzVision.az xəbər verir ki, Azərbaycan sərhədlərini tərk etməsi qadağan edilən hüquqi şəxslərin sayı 43 nəfər , fiziki şəxslərin sayı isə 31 nəfər artıb.

Bunula da Azərbaycandan çıxışına icazə verilməyən şəxslərin ümumi sayı 893-ə çatıb. Onların 359 fiziki şəxs, hüquqi şəxslərin sayı 534 nəfərdir.

` `İcra haqqında` Azərbaycan Respublikasının Qanununun 84-1.1-ci maddəsinə, Vergi Məcəlləsinin 23.1.16-cı və 23.1.15-3-cü maddələrinə əsasən, vergi ödəyicisi vergi borcunu ödəmədikdə məhkəmənin qərarı əsasında fiziki şəxslərin və ya hüquqi şəxslərin icra orqanlarının rəhbərlərinin ölkədən getmək hüququ müvəqqəti məhdudlaşdırıla bilər. Bu isə o deməkdir ki, vergi borcunu tam ödəməyənə kimi belə şəxslərin ölkədən kənara çıxmasına icazə verilmir`, - deyə nazirlikdən qeyd edilib.

AzVision.az


Teqlər:





Xəbər lenti