ABŞ-ın yeni seçilən prezidenti Donald Trampın keçid qərargahı andiçmə mərasiminə qədər xarici ölkələrdəki bütün səfirlərinin geri çağırılması barədə sərəncam imzalayıb.
AzVision.az "New York Times"a istinadən xəbər verir ki, səfirlərə ABŞ-a qayıtmazdan əvvəl həm peşəkar, həm də şəxsi işlərini başa çatdırmaq üçün vaxt verilməyəcək.
Sərəncam ABŞ-ın bütün səfirlərinə şamil ediləcək.
Nəşr qeyd edir ki, əvvəllər məktəb yaşlı uşaqları olan diplomatlara müəyyən güzəşt edilib, onların tədris ilini başa vurması gözlənilib.
Qeyd edək ki, ABŞ-ın Azərbaycandakı səfiri Robert Sekutadır. O, 2015-ci ildən bu ölkənin Azərbaycandakı fövqəladə və səlahiyyətli səfiri səlahiyyətlərini yerinə yetirir. Sərəncamla onun da geri çağırılacağı gözlənilir.
AzVision.az-ın əməkdaşı məsələ ilə bağlı ABŞ-ın Azərbaycandakı səfirliyinin mətbuat xidməti ilə əlaqə saxlayıb. Səfirlikdən bildirilib ki, bununla bağlı yaxın vaxtlarda rəsmi açıqlama veriləcək.
Eldar Tanrıverdiyev
AzVision.az
Tramp ABŞ-ın Bakıdakı səfirini geri çağırır - (VİDEOXƏBƏR)
06 Yanvar 2017
Oxunub:17499
Vaxtında, Aydın, Lazımlı!
-1708596417.jpg&h=200&w=200&zc=2&q=70)
