Təhsil Nazirliyi Nazirlər Kabinetinə müraciət etdi
M.Cabbarovun sözlərinə görə, Avropa Oyunlarının Bakı şəhərində keçirilməsi ilə əlaqədar Bakıda ali, orta ixtisas təhsili və ümumtəhsil müəssisələrində tədris müddətinin mayın sonunda başa çatdırılması əvvəlcədən planlaşdırılmış addım idi.
M.Cabbarov qeyd edib ki, "Son zəng"in keçirilməsi ilə bağlı ümumtəhsil müəssisələrinə əmr verilir: "Bu il də bununla bağlı əmr imzalanacaq və orada bütün məsələlər öz əksini tapacaq".
Nazir həmçinin azərbaycanlı gəncləri xaricdə təhsilə cəlb edən müəyyən şirkətlərlə bağlı da açıqlama verib:
“Bir müddət öncə Təhsil Nazirliyinin yaydığı açıqlama Azərbaycanda fəaliyyət göstərən və pullu xidmət kimi xaricdə təhsili təklif edən şirkətlərlə bağlıdır. Açıqlamanın məqsədi ondan ibarət idi ki, 2007-2015-ci illərdə azərbaycanlı gənclərin xaricdə təhsili üzrə Dövlət Proqramına qəbul aparmaq üçün Təhsil Nazirliyi heç bir şirkətlə əməkdaşlıq həyata keçirmir. Çünki bəzi hallarda sui-istifadə hallarına yol verilir, bəzi qurumlar və şəxslər bunu fərdi şəkildə təklif edir. Bu baxımdan biz faydalı hesab etdik ki, vətəndaşların diqqətinə bu məsələni çatdıraq”.