Tanklar, zirehli texnikalar Bakıda - FOTOLAR

Tanklar, zirehli texnikalar Bakıda - FOTOLAR
  28 Sentyabr 2016    Oxunub:11142
Xəbər verdiyimiz kimi, ötən gün Bakı Ekspo Mərkəzində “ADEX 2016” ikinci Azərbaycan Beynəlxalq müdafiə sərgisinin açılışı olub.

AzVision.az xəbər verir ki, sərgidə yüngül texnikalarla yanaşı ağır hərbi texnikalar da nümayiş olunur.

Azərbaycan istehsalı olan ağır texnikalar və zirehli offroderlər sərgi iştirakçılarının marağına səbəb olub.

Qeyd edək ki, sərgidə Belarus, İsrail, Çin, Pakistan, Rusiya, Serbiya, Türkiyə, Fransa və Çexiya milli qrupları öz ekspozisiyalarının miqyası ilə fərqlənirlər. Şirkətlərin sayına görə ən böyük pavilyonlar Türkiyəyə (42 şirkət), İsrailə (14 şirkət) və Rusiyaya (14 şirkət) məxsusdur.

Azərbaycanın Müdafiə Sənayesi Nazirliyi “ADEX-2016” sərgisinə 260 addan çox müdafiə təyinatlı məmulat çıxarıb. Burada Azərbaycan Müdafiə Sənayesi Nazirliyinin müəssisələri müdafiə və xüsusi təyinatlı məhsulları, hərbi nəqliyyat vasitələri və texnika, eləcə də silah-sursat nümunələrini nümayiş etdirir.

Sentyabrın 30-dək davam edəcək sərgi çərçivəsində seminar, təqdimat, ikitərəfli görüşlər keçiriləcək.

AzVision.az sərgidə nümayiş olunan ağır hərbi texnikaların görüntüsünü təqdim edir.



















Anar Kəlbiyev
Foto: Elvin Abdulla

AzVision.az

Qalereya




Teqlər:  





Xəbər lenti