Şəhid əsgərimiz dəfn olundu
Dəfn mərasimində izdiham yaşanıb. Çıxışlarda xaçmazlıların işğal altındakı torpaqlarımızı azad etmək üçün Ali Baş Komandanın əmrinə hər an hazır olduqları bildirilib. Şəhidin atası Aydın Yüzbəyov torpaqlarımızın azadlığı uğrunda canından keçən oğlu ilə fəxr etdiyini, övladının qisasının döyüş yoldaşları tərəfindən alınacağına əminliyini ifadə edib.
Şəhidin cənazəsi Hacıməmmədoba kənd qəbiristanlığında torpağa tapşırılıb, məzarı üstünə əklil və tər qərənfillər qoyulub. Tabut üzərinə çəkilmiş üçrəngli Azərbaycan bayrağı ailəsinə təqdim edilib.
AzVision.az