Sarkisyan qiyamçıları ac saxlayır - İrəvanda vəziyyət gərgindir

Sarkisyan qiyamçıları ac saxlayır - İrəvanda vəziyyət gərgindir
  25 İyul 2016    Oxunub:2751
“İrəvanda polis bölməsini tutan silahlı şəxslər elektrik, qida, tibbi köməkdən məhrum ediliblər, ötən gecədən isə binanın telefon rabitəsi kəsilib”.
AzVision.az erməni mətbuatına istinadən xəbər verir ki, bunu “Təsisedici parlament” radikal müxalif hərəkatının üzvü Alek Eniqomşyan bildirib.

Onun sözlərinə görə, hazırda Ermənistan hakimiyyətinin atdığı addımlar vəziyyətin gərginləşməsi ilə nəticələnə bilər ki, bu da danışıqların uğurla yekunlaşmasına mane olacaq.

Yuxarıda göstərilənlərlə yanaşı, bu gün səhər saatlarında əraziyə yaxınlaşmaq və hasarı dağıtmaq cəhdi edilib, Bundan əlavə, idarənin üzərində hərbi helikopter aşağı məsafədən uçub.

“Vəziyyət ciddi şəkildə gərginləşə bilər. İstənilən dəqiqə ciddi hadisələr baş verə bilər. Lakin biz ümid edirik ki, hakim rejim ehtiyatlı davranacaq və ermənilər arasında qan tökülməsinə mane olacaqlar”, - deyə Eniqomşyan qeyd edib.

Eldar Tanrıverdiyev
AzVision.az


Teqlər:





Xəbər lenti