Rusiya Azərbaycana nota verdi

Rusiya Azərbaycana nota verdi
  27 İyul 2016    Oxunub:6142
Rusiya vətəndaşı Marat Ueldanovun Azərbaycanda saxlanılması haqda yayılan məlumatlarla əlaqədar Rusiyanın Azərbaycandakı səfirliyi rəsmi bəyanat yayıb.

Səfirlikdən AzVision.az-a daxil olan məlumatda bildirilir ki, iyunun 23-də səfirliyə Azərbaycan XİN-dən nota daxil olub.

Notada deyilir ki, iyunun 9-da Azərbaycanda Cinayət Məcəlləsinin 234.4.3 maddəsinə - iri həcmdə narkotik vasitələrin əldə edilməsi, istehsalı, saxlanılması və yayılmasına görə ittiham edilərək erməni əsilli Rusiya vətəndaşı Marat Ueldanov saxlanılıb və istintaq təcridxanasına yerləşdirilib.

Bir neçə gün sonra saxlanılanın bacısı olduğunu deyən M.V.Mirzoyan səfirliyə müraciət edib və bilidirib ki, əsl soyadı Qalustyan olan qardaşı casusluq şübhəsi ilə saxlanılıb.

Səfirlik müvafiq izahat almaq üçün Azərbaycanın səlahiyyətli orqanlarına müraciət edib. Həmçinin iyulun 5-də Azərbaycan XİN-ə rəsmi nota göndərilib.

Səfirlik müvafiq izahatlar almaq və saxlanılan şəxslə görüşmək üçün Azərbaycan tərəfi ilə işi davam etdirir.

Eldar Tanrıverdiyev
AzVision.az


Teqlər:  





Xəbər lenti