Bu barədə AzVision.az “İA Novosti-Qazaxıstan”a istinadən xəbər verir.

Qazaxıstan Milli Təhlükəsizlik Komitəsinin sərhəd xidmətinin mətbuat xidməti məlumat yayıb.

Qazaxıstan Milli Təhlükəsizlik Komitəsinin sərhəd xidmətinin mətbuat xidmətinin yaydığı açıqlamaya əsasən, brakonyerlər saxlanılarkən silahdan istifadə olunub və onlardan çoxlu sayda nərə balığı müsadirə edilib.

“Saxlanılan 4 azərbaycanlı əlavə asma qayıq motoru ilə təchiz olunan “Bayda” tipli qayıqla brakonyerlik fəaliyyəti ilə məşğul olublar. Brakonyerlər Milli Təhlükəsizlik Komitəsinin sərhəd xidmətinə məxsus “Taraz” gəmisində olan heyətin tələbinə reaksiya verməyib və sürəti artıraraq Qazaxıstanın daxili sularını tərk etməyə çalışıb. Havaya 2 xəbərdarlıq atəşi açılıb, brakonyerlər təslim olublar. Hadisə nəticəsində xəsarət alan olmayıb. Qayığa baxış zamanı ümumilikdə çəkisi 946 kq olan kallada ilə dolu 25 qutu və 240 ədəd nərə balığı aşkar edilib”, - deyə yayılan məlumatda bildirilir.

Hazırda faktla bağlı araşdırmalar aparılır.

Eldar Tanrıverdiyev
AzVision.az