Nazirlik əhaliyə yanğın xəbərdarlığı edib
Yanğının baş vermə səbəblərinin və dəymiş ziyanın müəyyənləşdirilməsi istiqamətində araşdırma aparılır:
“Təəssüflə qeyd edirik ki, yanğın hadisələrinin əksəriyyəti vətəndaşların ehtiyatsızlığı və etinasızlığı səbəbindən baş verir. Bir tərəfdən ağacların kəsilməsi zamanı etiraz səsini qaldıran vətəndaşın özü, digər tərəfdən etinasızlıq göstərərək meşə zolaqlarının yanaraq məhvinə səbəb olur.
Belə ki, bəzi vətəndaşlar taxıl biçinindən sonra biçənəklərə od vurur, yaxud da istirahət məqsədilə nəzərdə tutulmayan yerlərdə tonqal qalayır və ya yanan siqaret kötüyünü yerə atır. Nəzərə almırlar ki, belə addımların nəticəsində hektarlarla meşə örtüyü ani vaxt içərisində məhv ola bilər”.
ETSN havaların isti keçməsi ilə əlaqədar əhalini bir daha təbiətdə olarkən odla ehtiyatlı olmağa, taxıl məhsullarının biçini zamanı yanğın təhlükəsizliyi normalarına riayət etməyə, söndürülməmiş siqaret kötüklərini ətrafa atmamağa, yanğın təhlükəsizliyi qaydalarına əməl etməyə çağırır.
Aytən Zəhra
AzVision.az