Metroda reklam qalmadı
Məlumatda deyilirdi ki, reklam lövhələri dizayn baxımından metronun görünüşünə xələl gətirdiyi üçün sökülməsi qərara alınıb. Metropolitendən bildirilmişdi ki, reklam və afişalar yaxın günlərdə yığışdırılacaq.
Bu qərar rəsmən açıqlanmasa da, aprelin 17-də reklam lövhələrinin sökülməsi prosesi başlanııb. Bakının «İçərişəhər», «Sahil», «28 May», «Gənclik», «Nəriman Nərimanov», «Koroğlu», «Qara Qarayev», «Neftçilər» və digər metrostansiyalarında olan reklam lövhələri sökülüb. Aldığımız məlumata görə, reklam lövhələrinin sökülməsi bütün stansiyalarda eyni zamanda başlayıb.
Reklam lövhələrinin yerində başqa, daha yaxşı reklam formaları yerləşdirilib-yerləşdirilməyəcəyi barədə məlumat yoxdur.
Bəs metrostansiyalarda və vaqonlarda reklam yerləşdirmək işinə baxan şirkətin aqibəti necə olacaq?
Qeyd edək ki, bu işə “Innomark” və “Poster” reklam agentliyi baxır.