İnterpolun axtardığı azərbaycanlıdan AÇIQLAMA
E. Nəzərov bu məsələni "kiçik problem" adlandırıb və deyib ki, həmin şəxslər məsələni siyasiləşdirmək istəyirlər.
O, 17 ildir ki, Çexiya Respublikasının rəsmi qoruması altında olduğunu da vurğulayıb: "Ümid edirəm ki, rəsmi Bakı da mənə şər atanları cəzalandıracaq. Şəxsən mən hər iki dövlətin müvafiq orqanları ilə əməkdaşlığa hazıram".
Qeyd edək ki, bu gün Azər-Çex Cəmiyyətinin sədri Elşən Nəzərovun beynəlxalq axtarışa verilməsi ilə bağlı xəbər yayılıb. İnterpolun saytında yerləşdirlən məlumatda qeyd olunub ki, 40 yaşlı Elşən Nəzərov dələduzluqda təqsirli bilinir. Azərbaycan hüquq-mühafizə orqanları onun saxlanılması üçün İnterpola müraciət edib.
Azərbaycanın Diasporla İş üzrə Dövlət Komitəsindən isə bildirilib ki, qurum artıq bir neçə ildir Elşən Nəzərov adlı şəxslə bütün əlaqələri kəsib:"Onun fəaliyyəti ilə bağlı dəfələrlə Dövlət Komitəsinə də şikayət xarakterli müraciətlər daxil olub".