Etirazçılar nazir müavinini qətlə yetirdi

Etirazçılar nazir müavinini qətlə yetirdi
  26 Avqust 2016    Oxunub:2035
Etirazçılar Boliviyada etiraz edən şaxtaçılar tərəfindən qaçırılan daxili işlər nazirinin müavini Rodolfo İlyanes qətlə yetirilib.
AzVision.az `TASS`-a istinadən xəbər verir.

Məlumata əsasən 3-cü etirazçının ölüm xəbəri gələndən sonra şaxtaçılar nazir müavininin üstünə atılıb və onu öldürüblər.
Bir qədər əvvəl isə Boliviya Daxili İşlər Nazirliyinin başçısı Karlos Romero şaxtaçıların nazir müavinini qaçırdığını və Rodolfo İlyanesin azad olunması müqabilində polis tərəfindən saxlanılan etirazçıların buraxılmasını tələb etdiklərini bildirib.

Xatırladaq ki, Boliviyada kooperativlər barədə yeni qanuna etiraz edən şaxtaçıların iki həftə bundan əvvəl başlayan aksiyasını dağıtmaq üçün polis bir neçə dəfə güc tətbiq etməyə məcbur olub.

Eldar Tanrıverdiyev
AzVision.az


Teqlər:





Xəbər lenti