Ərdoğan Fransa hökümətinə mesaj göndərdi

Ərdoğan Fransa hökümətinə mesaj göndərdi
  01 Noyabr 2014    Oxunub:1422
“Ankara ümid edir ki, Fransa 1915-ci il hadisələri ilə bağlı məsələdə ədalətin tərəfində olacaq”.
Azvision.az xəbər verir ki, Trend-in “Anadolu” agentliyinə məlumatına görə, bunu cümə günü Parisdə Türkiyə Prezidenti Rəcəb Tayyib Ərdoğan fransalı həmkarı Fransua Ollandla birgə keçirdiyi brifinqdə deyib.

Onun sözlərinə görə, Türkiyə Ermənistanla münasibətlərin bərpa edilməsi üçün həmişə addım atıb: “Təəssüf ki, Ermənistan buna qarşılıqlı cavab verməyib”.

Suriya böhranına toxunan R.T.Ərdoğan qeyd edib ki, ABŞ-ın bu ölkədə mübarizə aparmaq üçün göndərdiyi bütün silahlar “İslam Dövləti” qruplaşmasının əlinə keçib: “İraqın 40 faiz ərazisi həmin silahlardan istifadə edilməklə ələ keçirildi”.

Türkiyənin Avropa İttifaqına (Aİ) üzv olması üzrə danışıqlardakı durğunluqdan danışan Prezident bildirib ki, Ankara Aİ-nin verdiyi vədləri yerinə yetirəcəyini gözləyir: “Ümid edirəm ki, Fransa da bu istiqamətdə verdiyi vədləri icra edəcək. Ankara inanır ki, Fransa Aİ-də Türkiyənin dostu olacaq”.


Teqlər:





Xəbər lenti