Bakıda ticarət mərkəzi çökdü - FOTO
4 mərtəbəli ticarət mərkəzinin ikinci mərtəbəsinin tikintisi gedərkən beton tökülən zaman uçqun olub. Betonun ağırlığına tab gətirməyən dirəklər qırılıb. Beton kütləsi birinci mərtəbəyə tökülüb.
Hazırda Fövqəladə Hallar Nazirliyinin Tikintiyə nəzarət Dövlət Agentliyi Baş Dövlət Tikinti Müfəttişliyinin əməkdaşları hadisə yerinə cəlb olunublar.
Bildirilir ki, hadisə zamanı xəsarət alan olmayıb.
Hadisənin baş vermə səbəbləri araşdırmalardan sonra məlum olacaq.