Bu barədə AzVision.az-a QKDK-dan məlumat verilib.

Mövcud qanunvericiliyə əsasən, vasitəçilik xidmətləri lisenziyalaşdırılan fəaliyyət növüdür və "Lider Forex" tərəfindən kütləvi informasiya vasitələrində təklif olunan xidmətlər broker fəaliyyətinin əlamətlərini daşıyır. Qeyd olunanları nəzərə alaraq, QKDK açıq mənbələrdən əldə etdiyi rekvizitlər vasitəsilə Lider Forex-ə adıçəkilən xidmətlərin dayandırılması barədə göstəriş verib.

İlkin araşdırmalar nəticəsində məlum olub ki, "Lider Forex" adı altında şirkət bir sıra xarici dövlətlərdə qanunsuz fəaliyyətlə məşğul olmuş və müvafiq dövlətlərin nəzarət orqanları tərəfindən tədbirlər görülərək fəaliyyətləri qadağan edilib.

QKDK investorları maliyyə xidmətlərindən istifadə edərkən legitim əsaslarla fəaliyyət göstərən şirkətlərlə əməkdaşlıq etməyə dəvət edir.

Qiymətli kağızlar bazarında vasitəçilik xidmətləri göstərən broker şirkətlərinin siyahısı QKDK-nın internet səhifəsində (https://azvision.az/redirect.php?url=http://www.scs.gov.az/lisenziyalashdirma/broker_fealiyyeti) dərc olunub.