Bakıda evlər ucuzlaşır - VİDEO

Bakıda evlər ucuzlaşır - VİDEO
  03 İyul 2015    Oxunub:4176
Təkrar mənzil bazarında ucuzlaşma 15-20 faiz arasında dəyişir.
Mənzil bazarında alıcı qıtlığı yaşanır. Bu ən çox təkrar mənzil bazarına təsir edib. Belə ki, bu bazarda qiymətlərdə 20 faizə qədər enmə müşahidə edilir. İlkin mənzil bazarında isə qiymətlərdə sabitlik hökm sürür. Görəsən bu tendensiya növbəti aylarda da davam edəcəkmi?

Mənzil bazarında son illərin ən çox qiymət enməsi müşahidə edilir. Xüsusilə təkrar mənzil bazarında ucuzlaşma 15-20 faiz arasında dəyişir. Mütəxəssislər bu mənzərənin yaranmasının bir sıra səbəbləri olduğunu bildirirlər. Bunlar tikinti sahəsinə qoyulan investisiyaların azalması, dünyada baş verən iqtisadi proseslər və bunların nəticəsi olaraq yaranan alıcı qıtlığı ilə bağlıdır.

Mənzil bazarında yaranan durğunluğun əsas səbəblərindən biri də bankların kommersiya ipotekasında ilkin ödənişin fazini yüksəltməsidir. Bütün bu proseslərin fonunda evlərin qiymətinin kəskin ucuzlaşması müşahidə edilir. hətta paytaxtın bəzi yerlərində mənzillərin qiymətində 20 faizdən də çox ucuzlaşma var.

Ancaq təkrar mənzil bazarından fərqli olaraq ilkin mənzil bazarında qiymətlər sabitdir. Adətən tikintilərin genişlənməsi zamanı müşahidə edilən sakinlərin köçürməsi də qiymətlərə təsir edən əsas amillərdən olur. Çünki köçürülən insanlara verilən kompensasiyalar da bazarda canlanma yaradır. iri miqyaslı tikintilərin aparılmasında fasilə yaranacağı təqdirdə mənzil bazarında ucuzlaşma da davam edəcək. (xəzərxəbər)




Teqlər:





Xəbər lenti