Bakıda FHN-nin adından pul yığılır
Xidmət qarşılığında isə hər mənzildən 8-10 manat pul alınır.
Sakinlərin AzVision.az-a bildirdiyinə görə, tələb olunan məbləği ödədikdə isə verilən qəbzdən məlum olur ki, həmin şəxslər heç də FHN-nin əməkdaşları yox “MH GROUP” MMC-nin işçiləridir.
Məsələ ilə bağlı Fövqəladə Hallar Nazirliyi ilə əlaqə saxladıq. FHN- nin mətbuat xidmətinin rəhbəri Oqtay Bayramov AzVision.az-a bildirib ki, sözügedən məsələnin onlara heç bir aidiyyatı yoxdur.
Nazirlik rəsmisinin sözlərinə görə Bakı şəhər İcra Hakimiyyətinin icazəsi ilə fəaliyyət göstərən şirkət var ki, onlar bacaları təmizləyirlər:
“Bu özəl şirkətlərdir. Onlar bacaları təmizləyirlər. Bir dəfə bununla bağlı “JEK” rəhbərliyinə müraciət etdim . Onlara bildirdim ki, insanlara düzgün məlumat vermirsiniz. Yəni bacaların təmizlənməsinin bizimlə heç bir əlaqəsi yoxdur”.
Gültəkin ƏLƏSGƏR