Bakıda 10 maşın toqquşub - ölən var

Bakıda 10 maşın toqquşub - ölən var
  01 Aprel 2015    Oxunub:1551
Bakının Dərnəgül şosesində ağır yol nəqliyyat hadisəsi baş verib, 10 maşın bir-birilə toqquşub, ölən var.
AzVision.az apa-ya istinadən xəbər verir ki, saat 23 radələrində Dərnəgül şossesinin Nərimanov rayonuna aid ərazisində 02 BL 304 dövlət nömrə nişanlı “Lifan” markalı maşınla 90 LN 425 dövlət nömrə nişanlı “Mercedes” toqquşub. Bu zaman arxadan sürətlə gələn 99 GK 743 dövlət nömrə nişanlı “Daevo Gentra” və 90 SR 038 dövlət nömrə nişanlı “Mercedes” markalı avtomobil də onlara çırpılıb.

Şossedə sürətlə hərəkət edən 90 LH 816 dövlət nömrə nişanlı “Mitsubishi” markalı avtomobil də qəza törətmiş digər avtomobillərə çırpılıb.

Sürətlə gələn 90 JN 260 dövlət nömrə nişanlı “MAZ” da qəza törətmiş avtomobillərə çırpılıb. Şossedə hərəkətdə olan 10 ZE 823 dövlət nömrə nişanlı “KAMAZ” isə “MAZ”a çırpılıb.

“KAMAZ”ın sürücüsü, 1986-cı il təvəllüdlü Xəyyam Quliyev hadisə yerində ölüb.

“KAMAZ”ın çırpıldığı “MAZ” isə zərbənin təsirindən yolda hərəkətdə olan 10 HB 688 dövlət nömrə nişanlı “VAZ 2107”ə, o da öz növbəsində 90 EN 793 dövlət nömrə nişanlı “Mercedes”ə çırpılıb. “Mercedes” isə 90 LP 329 “Shevrolet Aveo” ilə toqquşub.



Hadisə nəticəsində bir nəfər ölüb, ağır xəsarət alan olmayıb.

AzVision.az


Teqlər:  





Xəbər lenti