BMT-nin baş katibi Qarabağla bağlı çağırış etdi

BMT-nin baş katibi Qarabağla bağlı çağırış etdi
  22 Fevral 2017    Oxunub:2412
BMT-nin baş katibi Antonio Quterriş Dağlıq Qarabağ münaqişəsinin nizamlanması üzrə səyləri gücləndirməyə çağırıb.
AzVision.az xəbər verir ki, bu barədə Quterriş Avropada münaqişələrin həll olunmasına həsr edilən BMT Təhlükəsizlik Şurasının iclasında bildirib.

Onun sözlərinə görə, 2008-ci ildə Gürcüstanda və 2014-cü ildə Ukraynada baş verən böhranlar göstərir ki, Avropa yeni münaqişə ocaqlarından sığortalanmayıb.

Baş katib qeyd edib ki, Avropadakı münaqişələrə aid tez-tez işlənən "dondurulmuş münaqişə" termini yalnışdır: "Sülh sazişləri imzalanıb reallaşdırılmayana qədər zorakılığın bərpa olunması riski qalacaq. Biz keçən ilin aprelində Cənubi Qafqazda, Dağlıq Qarabağda bunun şahidi olduq”.

BMT baş katibi, həmçinin bildirib ki, beynəlxalq ictimaiyyət BMT Nizamnaməsinə uyğun olaraq sülhün qorunub saxlanması üzrə kollektiv yanaşmanı gücləndirməlidir.

Eldar Tanrıverdiyev
AzVision.az


Teqlər:





Xəbər lenti