`Sevil Talıbova həkim nəzarətindədir` - Özəl açıqlama

`Sevil Talıbova həkim nəzarətindədir` - Özəl açıqlama
  11 Yanvar 2016    Oxunub:21802
Naxçıvan Muxtar Respublikasının Ali Məclisinin sədri Vasif Talıbovun həyat yoldaşı Sevil Talıbova hazırda Ankarada yerləşən `İbn Sina` xəstəxanasının reanimasiya şöbəsində müalicə olunur.
Bu barədə AzVision.az-a həmin xəstəxanadan məlumat verilib.

Bildirilib ki, Sevil Talıbova ötən gün ailəsi tərəfindən xəstəxanaya gətirilib, hazırda həkim nəzarətindədir.

“Sevil xanımın həmin vaxt səhhəti ağır olduğu üçün reanimasiya şöbəsinə yerləşdirilib. Onun ailəsi, övladları hazırda xəstəxanadadırlar. Sevil xanımın səhhətində irəliləyiş müşahidə olunur. Hazırda uzman həkim Gedikin nəzarəti ilə onun müalicəsi davam edir”.

Qeyd edək ki, mətbuatda yayılan məlumatlarda S. Talıbovanın qrip virusuna yoluxduğu iddia olunub. Müalicə olunduğu yerli xəstəxanada Sevil Talıbovanın səhhəti daha da ağırlaşıb. Talıbovanın ailəsi Türkiyə Səhiyyə Nazirliyindən yardım istəyib. Türkiyədən gələn həkimlərin ilkin müdaxiləsindən sonra xəstə ECMO adlanan cihaza qoşulub. Həmin cihazdan ağciyərlər funksiyasını yerinə yetirməkdikdə və ya ürək fəaliyyəti dayandığı halda istifadə edilir. Daha sonra S.Talıbova helikopter ilə İbn Sina Xəstəxanasına aparılıb.

S.Talıbovanın azərbaycanlı həkimin isə onun ağ ciyərlərində müəyyən problemlərin üzə çıxdığını bildirib.

Hafiz Əhmədov


Teqlər:  





Xəbər lenti